食物：$$$1/2
環境：$$$$
服務：$$$$
相信大家都知道，Hotel
Icon個自助餐，最誘人之處就是那款式眾多的榴槤甜品。
今期佢除左保留了呢個優勢之餘，更加入了泰國潑水節作主題，於我而言係雙倍吸引，誓要找個週末，去會一會佢。
這次是吃中午，我十二點前到埗，食客已魚貫場，看來呢度既號召力依然不減。
沙律、Cold
Cut及煙三文魚等頭盤當然不缺，吃些少打開胃口。
凍海鮮如蟹腳、龍蝦鉗、青口及蜆等是必備了吧，但生蠔就沒有供應，反正不是今次既主打，我也不贅。
看看泰式主題食品，炸魚肉嫩，配羅望子汁夠醒胃。豬頸肉口感彈牙，兩款泰式汁醬任君選擇。炒粉絲有夠惹味，伴開邊蝦是錦上添花。十三香沙律更是客席名廚Oliver的得意之作，層次十足。
個人一向喜歡吃生蝦刺身，好在呢度仍有供應，而且水準不俗。
冬蔭公清湯都做得好，湯清但並不是淡如水，亦唔係辣到噴火，保留了傳統冬蔭公的味道，連埋大頭蝦吃，對胃口。
另有兩款受歡迎要排長龍取的東西，其一係香煎龍蝦尾配意式番茄，師傅即場烹煮，火侯控制得宜，加埋醒胃茄醬，難怪大家排完再排。
魚子醬蟹肉多士，呢兩款食物邊有得輸?
再食些少中西熱食，如粥品、牛肉燒賣及蝦餃等點心，同埋燴牛尾等等，飽左一大截。
日式刺身壽司，平時或者會略過，不過是日都淺嚐了點點。
榴槤甜品之前，來幾片芝士，再呷口茶，為甜胃作好準備。
Creme
Brulee加入左榴槤，成件事更上一層樓。迷你芝士榴槤撻好香濃，一件唔夠喉。炸榴槤一定要趁熱食。
Godiva雪糕加入榴槤蓉或者榴槤斑蘭醬，真係不得了。
還以為榴槤甜品就係咁多款式，但此時聽到叮叮聲，大家衝住出去排隊，原來係榴槤菠蘿包新鮮出爐！熱呼呼外皮帶微脆的菠蘿包，再自行塞入一堆榴槤蓉，好有寶物尋歸底之感覺。
仲有埋Free
Flow，咁就真係悠閒既美好週末喇！
呢個主題，去到5月1號～
榴槤菠蘿包>>>omg, 呢個我一定要skip呀😅
回覆刪除好嘢嚟喎!
刪除