炭家 - 鰻魚至上

食物：$$$1/2
環境：$$$$
服務：$$$$ 

老豆愛吃鰻魚，在聖誕長假期既尾聲，同佢去一間我都想食好耐既鰻魚專門店 – 『炭家』開餐！

炭火燒在香港已很吸引，加上得到蔡瀾先生既加持，我對呢度既水準，沒有半點懷疑。

店子其中一大賣點，係有個Open Kitchen，食客可以透過玻璃睇到師傅在以炭火來燒鰻魚。然而是日我們被安排坐餐廳的後半位置，無緣目睹廚子的風采，可惜！

點好嘢食，店員送來茶碗蒸及鰻魚啫喱。鰻魚啫喱清新，沾上醒胃之汁醬，倒是不錯。

茶碗蒸夠熱夠滑溜之餘，亦混入了鰻魚粒在內，果然有鰻魚專門店既風範。

老豆點左份鰻魚重，可揀白燒或者蒲燒，佢要後者。鰻魚都幾肥美厚肉，我試左少少，夠熱，皮香又油脂豐腴，沒有細骨，炭火燒真的與別不同。配以香甜的蒲燒汁，或者沾些山椒粉，又是不一樣的風味，總之就是好吃。要清掉呢客飯實在係輕而易舉的事。

左思右想，好唔好一齊食鰻魚呢?! 結果還是選來和牛丼，大家可以試到唔同嘢。

幾片和牛之外，仲有冬菇、露筍及蘿蔔等。嚴選A4的熊本和牛，質素應該有保証。然而珠玉在前，呢客丼飯的確是比下去。是有點過火，部份牛肉未夠鬆化，與入口溶化四隻字尚有一段距離。

兩個人食唔到咁多，玉子燒、豚肉角煮、串燒鰻魚肝等，要留待下次。

呢間店，一定有下次！

餐廳資料:
炭家
中環歌賦街24號地舖
27270013