2022年8月17日 星期三

Osteria Marzia - 吃海鮮的地方



食物:$$$$
環境:$$$$
服務:$$$$

週末,唔係去酒店食Weekend Brunch就係飲茶,不如轉下口味,食下其他嘢?

忽然諗起之前食過一間唔錯既意大利餐廳,Osteria Marzia,一於去重溫美味。

Osteria Marzia,即是海鮮餐廳的意思,所以呢度係無肉類供應,無肉不歡的食肉獸要留意。

點好餐,店員便奉來熱騰騰的麵包,沒錯就是Sourdough,外皮香脆,內裡鬆軟,香口好吃的。塗上牛油,與及鯷魚,味道層次更上層樓,若不是要留肚,可能會幾吞幾件才收手。

頭盤先來份Hamachi,新鮮的油甘魚軟滑味鮮,伴以車厘茄、羅勒等,味帶咸鮮而又頗醒胃,是不俗的開端。

呢度既意粉當然做到Al Dente的質感,這客鯷魚跟開心果的組合,咸香可口有嚼勁,好岩我心水,最憎食啲軟爬爬既意粉。

口感略帶煙韌的Gnocchi,一向係我既心頭好。配埋彈牙的虎蝦及杏片,是會教人吃完一粒又一粒,停不了口的出品。

一場來到,係無理由唔食魚的。是日有五款魚,經理逐一介紹後,決定要鲷魚。做法也可以選擇,上次吃過Crazy Water,即是加入蜆肉及蕃茄煮成湯,今次就試試 鹽焗。

廚子以檸檬片吞入魚肚內,再以蛋白加鹽去堆埋條魚,店員會係你面頭點火,視覺都可以得到享受。之後仲有幫忙起埋骨,對於唔識吮骨既我係一流既服務呀!魚肉質感很好,味道咸香之餘,滲出檸檬的清新氣息,好唔錯。

甜品的蛋糕可以,不過我更欣賞既係自家製的Gelato,係冧酒提子口味。意大利雪糕的細膩質感素來吸引,浸過冧酒既提子沒有過份地淋,滲出陣陣酒香,絕對係必食既項目。

以為無肉食會唔夠飽? 查實又係飽到晚飯都唔使食呀~


餐廳資料:
Osteria Marzia
灣仔菲林明道41號芬名酒店地舖
36072253

4 則留言: