食物:$$$1/2
環境:$$$1/2
服務:$$$$
七月係小弟既生日月,男人老狗幾廿歲,仍有不少朋友為我慶祝,感恩!
濶太問我想食咩,我都係循例回答一句:你話事喇~
之後,佢就揀左位於九如坊的Posso。
小小的餐館,枱與枱之間好密,就算隔離枱講嘢已經好斯文,但成個環境都頗嘈雜的。 呢度既嘢食係偏細份,即使是主食,大概也只是四、五啖的份量,造就我哋可以留肚之後去飲咖啡。其中之一的小食,Millefoglie,就像是千層酥的樣子,咬落的確是超級酥脆。沒有用吉士,取而代之的是以Mascarpone Cheese與羽衣甘藍打成的茸,與及少許紅菜頭醬汁,幾清新好食的。
另一款的賣相我更喜歡,餃子的味道不俗,爽脆的露筍作點綴還未算,亮點係極濃郁的芝士脆片,成件事合晒我口胃。 主食的Cannelloni,其實也只有兩條。略帶煙韌又滿載蛋香的外皮,包裹著微辣的豬肉,以及茄茸,雖未致於愛不釋手,但都滿意既。 龍蝦為主角的主食,是店員極力推薦的出品。火侯控制恰好,龍蝦肉唔會韌,龍蝦鉗更加鮮嫩,沾上Tomalley Butter來吃,都無介紹錯既。 甜品只有一款,提拉米蘇。質感濕潤,味道濃郁,咖啡酒的氣息亦頗強,是有質素的出品。濶太問如果呢個提拉米蘇同Page Common嗰個比較,我會點揀。
可唔可以答各有千秋呀?
再祝你生日快樂,身體健康!
回覆刪除Tiramisu賣相真係唔錯喎😋
多謝! 幾好食呀
刪除菜式好精緻。
回覆刪除不錯吃
刪除