石牆道韓國料理 - 臨別大擦醬油蟹

食物：$$$$
環境：$$$$
服務：$$$1/2 

因為一個韓國Project，認識了這間韓國料理，也愛上了這家店子。之後，每逢過時過節，或者要搵地方同朋友慶祝/ 餞別，我總會想起這裡。

又有朋友移居英國，臨別前當然要食餐飯，主角想食韓仔嘢，順理成章就來了。

甫坐低，店員便按習俗送來一大堆的小碟，數下手指足足有十碟，而且味道是一如以往的精彩。這裡的泡菜酸辣俱備，真是必吃的。薯仔都好對辦，菠菜清爽無渣，韓式魚蛋與及黑豆的口感也討我歡心。

去到英國，恐怕唔多機會食到醬油蟹，因此誓要點上兩隻來作個美好回憶。蠻豐盛的蟹羔，甘香味鮮，用手拿起慢慢吮，懶理什麼儀態。

將紫菜飯放入蟹蓋，撈埋蟹羔同吃，絕對是停不了口，難怪醬油蟹又有『偷飯賊』既稱號。

另外叫左個海鮮鍋，看似唔大份，其實塞滿海鮮的鍋物，份量是勁足的。又八爪魚，又蝦蟹，又青口，又帶子等等，底下仲有索味的豆腐，而且各式材料都好新鮮。最吸睛既一定係八爪魚，唔好浸太耐，保持口感但又不過韌，倒是不錯。

三個細食既人，食完醬油蟹再加個海鮮鍋，已經飽晒，正確嚟講係食唔晒添。

呢度仲有本地罕有的炸仁蔘吃，不過要留待下次了。

餐廳資料:

石牆道韓國料理

尖沙咀金巴利道27-33號永利大廈地下20及22號舖
2311 9878 / 2311 9879