2022年1月17日 星期一

京都一之傳 - 償願



食物:$$$
環境:$$$$
服務:$$$1/2 

晚市無得坐低食,到底要大家餓十四天,還是再十四,抑或去到224? 大家似乎沒力氣去猜,一窩蜂湧出來吃午餐,尤其是週末,平時不算太旺場的京都一之傳,都會爆滿,幸好預先在網上訂了枱,不用換來一句明天請早。

正如朋友所講,想食呢間好耐好耐,但當要找地方搵食時,卻又總會忘了這裡,大概是地理位置不夠優越吧~

午餐選擇查實不多,甚至找不到心水定食,很久沒遇上類似情況。

好不容易才選好嘢食,店員隨之奉上沙律。是新鮮爽脆的,酸汁好醒胃,有助打開胃口。

前菜接著來,很細兜的茶碗蒸,即使混入了蟹肉及三文魚籽,也未能令人滿足。胡麻醬秋葵,相對來得穩陣。另一碗的豆腐,很淡口,卻又突出不了豆腐香。

求其揀左個冷烏冬,伴上的是鮭魚,同埋隻溫泉蛋。烏冬水準未算頂級,坊間太多地方比這兒出色,熟的三文魚嚡烚烚,亮點毫無疑問落在生雞蛋之上。

西京燒係呢度既招牌,不過朋友放棄了銀鱈魚,反而選上鰤鯧魚。同樣是西京燒做法,魚皮脆魚肉亦入味,朋友就是不喜歡鱈魚太滑及其油脂,因此質感比鱈魚偏實在的鰤鯧,就更合他心意,真的是各人口味不盡相同。鰤鯧魚總叫做刊本份,不過米飯就不行,凍冰冰的。

定食送來的甜品,係兩款卷蛋,紅豆卷的味道唔錯,另一款似香蕉糕的味道,都唔差,但質感可以更輕怡。

轉眼間七十五分鐘的用餐時間,夠鐘還枱,唯有再覓地方,飲杯咖啡。


餐廳資料:
京都一之傳
尖沙咀廣東道5號海港城海洋中心4樓402號舖
31014981


2 則留言: