2021年12月6日 星期一

HOW to live well - 好好過日子



食物:$$$$
環境:$$$$
服務:$$$$ 

觀塘工廈的HOW Food Factory,佔地不少,既賣傢俬,也售衣飾,更加是一間Cafe。

我無係度買過衫褲鞋襪,傢俬都無,但幫襯過咖啡室一次,印象中其厚切豬扒做得不錯,但隨住店子的結業,還以為會成為絕響。

幸慶,無意中發現佢已復活,選址尖沙咀K11,命名HOW to live well。

格局與昔日的觀塘店有幾分相似,當然在這貴價地段,地方唔會有以前咁大,你唔會見到在重型傢俬放係度。

兩條友都咁細食,一份小吃,再回味厚切日本豚肉,足夠有餘。

小食要左泡菜炸雞。噢,我應該掌咀,家陣點可以叫做泡菜? 只能叫辛奇啦!

炸雞鬆脆嫩滑,辛奇的辣度不算兇狠,滲出微甜,與炸雞件都匹配。一旁的日式芥末醬,原來跟雞件都夾得來,還帶出清新氣息,是出色的小食。

我期待的豚肉隨之而來,記憶中沒以前的厚,不過吃起來仍是鬆化有肉汁,帶肥的位置脂香滿溢,仍然好吃。建議配上玉桂蘋果醬一同放入口,感覺更為清新。配角的薯蓉也比想像中出色,是加分位。

飽得吃不下甜品,直接跳去嘢飲環節。朋友的Dirty幾像樣,起碼做出應有的層次,聽說水準不俗。

打算行一陣消化晒再去食甜飲咖啡,今時唔同往日,一連飲兩杯咖啡實在吃不消,所以只來杯伯爵茶。

臨近聖誕,商場多左好多Pop Up攤檔,行左陣睇下嘢,再往目的地吃檸檬柚子蛋卷,飲手沖咖啡。


餐廳資料:
HOW to live well
尖沙咀河內道18號K11購物藝術館2樓201-01號舖
37053709


4 則留言: