俺流鹽拉麵 - 今次試黑蒜油熟成

食物：$$$1/2
環境：$$$1/2
服務：$$$1/2 

間唔使會拉麵癮起，俺流鹽是我比較多幫襯的拉麵舖，雖則是連鎖店，不過水準都保持得唔錯。

唔講唔知，原來佢係黃埔開左新店，係地庫Aeon嗰層。有別於其他分店，這裡大概更似Food Court形式，好唔好，見仁見智。

無所謂啦，我都係一枝公去吃碗麵啫，要緊要出品係得。

不一會，咇咇聲響，柯打的食物已準備好。

選的是人氣湯底，黑蒜油熟成濃湯拉麵，味道沒想像中濃郁，是我太重口味了嗎? Anyway，不是太差的。麵條我當然係有咁硬要咁硬，才合我心意。

叉燒只有一片，看上去肥瘦比例是合適的，不過我嫌稍為嚡口，我記得之前在新都會吃過好幾次都是鬆化的。原隻雞蛋則貫徹這集團的水準。

餃子控的我竟從沒嚐過這品牌的餃子，真的難以置信，必定要一試。這款俺流餃子，與坊間的型狀不一樣，是細細粒容易食的。坦白說，外形麻麻地靚仔，個別更加是裂左口，不過味道總算正常，底部香口，中規中矩吧！

飲住罐無果汁成份的提子梳打，我都唔知飲左咩落肚...

不過，呢個世界係咁啦，凡事唔好太認真~

餐廳資料:
俺流塩らーめん 
紅磡黃埔天地青樺苑(第5期)AEON百貨地庫地庫B107號舖