2021年11月17日 星期三

Sonia Coffee - 昭和風咖啡室



食物:$$$1/2
環境:$$$$
服務:$$$1/2 

日本過江名店Sonia Coffee,在京都已有五十多年歷史,比我還要大。每次經過,總被陣陣的咖啡香迷倒,再加上筆者勁喜歡既昭和風格的復古裝潢,我早已決定要去飲番杯。不過,又係果句,被那長長的人龍嚇到卻步。

家陣熱潮總算冷卻,某天跟好友行街經過,唔使排隊,要把握機會去吃了。

兩份餐,兩份吃。這裡的全日早餐,有洋風及和風之選,前者比較豐富。所謂洋風,與坊間嚐到的All Day Breakfast 大同小異,炒蛋、煙肉、腸仔、煙三文魚及焗豆等一應俱全,較特別的是有乳酪,同埋配上牛角酥。

炒蛋正常,還加入了松露醬添香氣。其餘的食物也恰如其分,牛角酥比想像中更大和鬆脆,如果可以加熱就最好。

坦白說,食物選擇並不多,也未算吸引,所以除了全日早餐外,好不容易才揀選了拿波里意粉。酸酸的蠻開胃,腸仔片的味道濃,起碼不是難吃。

原本想要這裡的招牌鬆餅,但店員回覆說因為水準Keep得唔好,所以暫時停售。一方面你可能覺得店方對出品有堅持,不過我更不理解,為何一家老店,在港也開了好幾個月,連最招牌的甜品也做得不像樣?


Anyway,就改要客忌廉焦糖吉士布丁吧!賣相稱不上靚仔,但質感總算滑溜,滿滿雞蛋香,配合焦糖的甜,收貨有餘。

Flat White 水準沒預期中驚艷,或者我應該來杯虹吸咖啡,其香氣或會更令我歡心。

算是還了心願,試過呢間昭和情懷之咖啡店。


餐廳資料:
Sonia Coffee
旺角太子道西193號MOKO新世紀廣場MTR層M52號舖
23988835


4 則留言: