2021年10月7日 星期四

老雪園 - 傳統味



食物:$$$$
環境:$$$$
服務:$$$$
 

識於微時的老友記阿精,以及Eric,因為不同既理由,雙雙立定決心,放下高薪厚職,遞上辭職信,分別於三個月及半年後,離開工作崗位,準備踏進大英帝國的領土。

把握呢數個月既時間,大家多啲相約出來見多幾面,吃些當地難以回味的菜色吧... 唯有係咁~~

地點由我揀,倒不如吃傳統口味的上海菜?

既然大家沒有異議,就勞煩最主動出手的朋友,幫助訂老雪園。

店子的歷史唔係度多講,有興趣自己搵谷哥大神搜尋下喇!

先上幾道冷盤,醉鴿好像是需要預訂的菜色。肉質細滑,沒有死實實,結合幽幽酒香,花雕味適可而止,蠻不錯的出品。

無錫脆鱔及雞絲粉皮都是大路之選,前者甜甜的又鬆脆,從來是我的心水。細滑而不黏的粉皮,伴以麻醬,連同雞絲和青瓜絲一起放入口,清爽醒胃,也是大眾喜歡的涼菜。

席上有人是湯怪,所以預訂了半份黑虎掌螺頭燉老鴿湯。打開盅蓋,撲鼻而來的香氣,勁充足的湯料,真係未飲都知道會是好東西。黑虎掌的爽,竹笙的脆,還有冬瓜之清潤,結合甜到一個點的湯水,喝得非常舒服。呢盅湯價錢不便宜,但物有所值。

與其經常吃東坡肉,老友建議今次要蜜汁火方,我樂意奉陪。咸香而軟腍之火方,加上蜜餞,我是想再添加的。

炒河蝦,必須要用上體型細小的真河蝦,方可嚐到其鮮爽之味,千萬不要以大蝦來瞎弄。這道菜色,清炒抑或是加甜豆,我也喜歡。

要有菜,但來來去都是津白,席上有人有好建議,來份貼地的土豆絲,我馬上附和。炒得爽脆的薯絲,配埋青椒絲,其實絕不失禮。

再飽也好,生煎包是必吃的。肉餡鬆軟,包身軟熟而底部香脆的生煎包,不能錯過。

吃得盡興,就要有甜品才圓滿。是夜嚐的雪糕高力,比起常吃到的高力豆沙 (或者加埋香蕉),絕不遜色。

下期聚會約定了,吃什麼菜色都想好了,由我再定地方吧!


餐廳資料:
老雪園
灣仔摩理臣山道23號南洋酒店地庫1樓
37059136

4 則留言:

  1. 啱,真係要食多啲不同類型傳統菜式,物離鄉貴之餘,更重要係嗰份情懷,比錢都食唔到!

    回覆刪除
  2. 好耐冇食蜜汁火方喇!睇到流口水喔!

    回覆刪除