食物：$$$$
環境：$$$$
服務：$$$$
Francesca，我知道KK同
Tina係邊度幽會，今晚Chill
& Grill等。
是的，西環的這所餐廳，正是大叔的愛那幕Francesca捉姦的經典場面之取景地，作為大叔既我，又點可以唔去朝聖呢?
地方比想像中要大得多，天藍色和花花牆身之裝飾，大叔表示喜歡。
我以為惠顧這類餐廳，十居其九都會是扮文青的後生男女，但原來都有唔少家庭客，有趣。
都無分什麼前菜或主食，總之大家喜歡吃什麼就亂叫，隨心就好。
打尖講下杯嘢飲，朱古力奶昔已經夠邪惡，但我個杯仲厲害，因為係朱古力香蕉花生奶昔，聽個名都知不得了，而且呢個組合，肯定正斗。
率先送上的，係燒八爪魚鬚。超巨型、勁粗身的，感覺滿足。雖然八爪魚鬚極其粗壯，不過用刀切下便知道是十分軟腍，伴上青椒及粟米片，蠻有墨西哥風情，有個好開始。
再來的青口，細嫩不韌，配上泰式椰汁，味道可以，卻沒濃濃的泰式風味。
侍者拿來燒法國黃油雞，我以為會是像Louise的版本，原來諗多左。然而這份雞，肉質細嫩多汁，雞皮爽口又夠香，絕對出色，連同配角的長柄西蘭花及焗薯，大家也全清掉。講開又令我想來一隻Batard的黃油雞。
主角不嗜牛，就來客豬鞍架。烤得夠香，豬鞍超厚身，但火侯拿捏精準，肉質保持嫩滑，連骨位置自然更好。以這份豬取化牛扒，並不失禮。
既然有人生日，甜品的意大利雪糕三文治自然要加上Happy
Birthday字樣。店員好好幫忙影相，而且不是Hea影，會主動拿起透明隔板才影，值得一讚。
主角把朱古力外殼敲碎後，大家可以起動。雪糕與朱古力呢個組合，加上充滿玩味的吃法，為大叔的午宴畫上完美句號。
豬鞍架睇落好正下喎，睇相都覺得香噴噴！
回覆刪除諗唔到呢D地方既嘢食都唔差
刪除真係讚的一餐！多謝大叔！
回覆刪除嚇氣嚇氣 XD
刪除