水門泰式海南雞飯專門店 - 不正常禽類研究中心？？

食物：$$$
環境：$$$1/2
服務：$$$$

經常傻傻分不清水門雞飯及水門泰式海南雞飯，只知道兩者都是有信念、值得支持的店子。反正都係主打雞飯，就不用分那麼細啦！

同樣地，兩個品牌有多少分店，我完全無研究。係舊年去過一次，尖沙咀金馬倫道的水門雞飯。

原來，後者在荃灣的南豐紗廠設有分店，我是在Fb見到佢既尋蟹啟示才知道。

是的，是海南雞飯專門店要搵蟹。話說走失了的蟹阿掂，是店主所養的寵物。後來，又好好彩，有人搵番佢，物歸原主。

家陣，店主仍有養魚、養蟹，魚虹就放在餐桌上，客人用餐之餘，都可以欣賞下。

就算人哋唔拍你個頭，你都無理由無嗱嗱走去拍打人哋個魚虹啦，吓話！

午餐有好幾款選擇，但首次來到，還是吃招牌菜色比較穩陣。海南雞飯，加多隻太陽蛋吧　～

可惜，蛋黃是有點點過熟。

海南雞的賣相，不太像是泰式，但總算做到皮爽肉不粗糙。

呢度同水門雞飯最大分別，係無泰式奶茶供應，唯有要杯青檸梳打。

餐廳有奇招，兩舊水海南雞放題，你有興趣嗎?

餐廳資料:
水門泰式海南雞飯專門店
荃灣白田壩街45號南豐紗廠1樓115號舖