2021年7月27日 星期二

Pasticceria Giovanni Pina - K11以外



食物:$$$1/2
環境:$$$$
服務:$$$1/2 

近期身邊有唔少朋友惠顧K11的Giovanni Pina,評價也頗正面。我想講,呢間意大利的百年老品牌,在荃灣如心廣場亦設有分店的。

試過去食早午餐,又買過蛋糕回家與屋企人分享甜蜜,印象最深的,係佢杯米蘭咖啡,好香好有水準。

再訪,就是來吃晚飯。

與其散叫,套餐更為划算。包碗湯,是晚的磨菇湯香濃,滲出陣陣松露香氣,最重要是溫度足,唔經唔覺飲大左。

主食的加拿大黑毛豬扒,帶骨,而且非常厚身。由於是以慢煮做法,所以即使是極厚切,亦保持肉質鬆化,有肉汁,連骨的部份當然更精彩。醒胃的芥末籽陳醋汁,令豬扒的味道更上層樓,是神來之筆。

對欖油炒意粉,素來無太大好感。既唔香口,又乾巴巴,不明何解咁多人喜歡,是為健康嗎?呢度出品已經算唔錯,起碼保持意粉的口感。原本套餐是香煎帶子及大蝦,可惜是日帶子售罄,轉成四隻大蝦。蝦肉爽彈,算是最好的補償吧,雖則我個人從來是較愛帶子多些。

跟餐有埋蛋糕,所以我話好抵。經典的聖安娜,質感輕怡細膩,軟滑的忌廉結合朱古力吉士,傳統可口。

米蘭咖啡一如以往的香濃醇厚,跟上的一件小果撻,是咖啡良伴。

其實,我未去過K11店~


餐廳資料:
Pasticceria Giovanni Pina
荃灣楊屋道8號如心廣場商場一期1樓109-111號舖



4 則留言: