食物：$$$$
環境：$$$
服務：$$$1/2
踏入七月，好西一浪接一浪，今次朋友話食海鮮餐。
朋友自小在鴨脷洲
(定香港仔?)長大，同呢頭既食店/街市主理人混熟，我呢個對於南區一竅不通的為食友，乖乖跟住佢搵食就最好。
看他與街市幾檔海鮮檔店主有傾有講，轉眼間，兩手就是一袋二袋的靚海鮮，拿上一樓的珠記加工。
是晚的菜色實在太豐富，既有在珠記預留了的東西，同埋剛才買上來的海鮮。
先介紹由街市買來的幾款。象拔蚌仔以蒜茸粉絲蒸，爽脆而不韌，味道鮮甜，夾些少蒜茸蔥花同吃，精彩。
同是蒜茸粉絲蒸，但扇貝的火侯控制得宜，質感嫩口，裙邊位帶微脆，與剛才的象拔蚌仔是截然不同的個性，不過同樣美味。
既然扇貝與及象拔蚌仔都是蒜茸粉絲蒸，那麼蟶子就來個不一樣的做法，惹味一點，豉椒炒吧！厚肉的蟶子爽甜，也不會韌得似吃橡皮圈，這個做法正岩重口味既我們，早知每人要兩隻喇。
椒鹽炒瀨尿蝦，成品又沒想像中咁『椒鹽』。然而，肉質仍是細嫩，味道鮮，甜美味道沒有被掩蓋，是錯有錯著嗎?
本想買澳龍，不過看見花龍，花心既我們就轉軚了。薑蔥炒與上湯焗之間，後者是大家的心水，記住要加兩個伊麵底。龍蝦球多肉，件件彈牙，墊底的伊麵吸收了汁醬之精華，絕對不是配角，吃得一條麵不剩。
接下來的兩款，是珠記的名物，需要預早訂。每人一隻奄仔，油鹽焗至香氣撲鼻，隻隻蟹也爆羔，超級甘香，吃罷大呼膽固醇萬歲。
事前唔知菜單係乜，不過食海鮮餐，唔通見到鮑魚就起身走人咩?!黑椒鮑魚是珠記另一得意之作，先蒸後上粉輕輕的炸，外層微脆，肉質軟嫩而彈牙，還有點點黑椒的辛香，吃得大家交口稱譽，果真無介紹錯。
炒多碟菜心，來幾罐汽水，多麼暢快的一夜。
意猶未盡，大家往糖水舖方向走去。
蟶子個樣正到bang bang聲呀，羡！慕！啊！
回覆刪除成餐都好正呀!
刪除正得太過份了！
回覆刪除堅正
刪除