食物：$$$1/2
環境：$$$$
服務：$$$
作為一個不折不扣既食肉獸，久唔久就會癮起，想食日本燒肉。
尖沙咀的新店『三郎。燒肉』，最近好火紅，唔少食友嚐過都推崇備至，搞到我心郁郁想去試。
香港連番負面既消息，令人情緒低落，要同朋友出去食餐好的放鬆下，便來了這所燒肉店。
我沒有負責點菜，大家想吃什麼就叫什麼，餸來張口就好。
先來的前菜小吃，日本茄子漬肥嘟嘟，軟腍入味。東風螺腍身不韌。白粟米是預期之中的爽脆，清甜多汁。
接下來是幾款刺身，分別有爽身的平政魚，鮮甜的帆立貝，與及原隻牡丹蝦，為之後食燒肉作好準備。
蕃茄仔，沒想像中的清甜，與爆汁。
兩份牛肉送上，每件牛肉都有清晰標示。橫膈膜及里脊肉看上去油脂成份並不多，肉味是相對濃郁，有嚼勁但不會過份地韌。
愛入口即溶的朋友，就要挑牛肩胛肉和西冷，烤起來陣陣脂香，口感鬆化，精彩。
咩話?
食日本燒肉但不吃牛?!
無問題，呢度也有豚肉雞肉供應。豚肉水準不俗，尤其是肥瘦相間的五花腩，脂香四溢，邊位帶微脆，可口。雞是選用阿波尾雞，肉質嫩口又彈牙，分到雞翼的朋友也大讚好吃。
再唔係，其實可以食海鮮。白鱔質地唔錯，大蝦穩陣之選。我沒有嚐翡翠螺，但聽說亦唔差。
一直覺得瓜果蔬菜是怎樣燒也不會好吃的，包括南瓜，但太多肉類之後，吃點來平衡下，又無可厚非。
燒至差不多，關上爐火，嚐一點炸得鬆脆的紫菜蟹籽卷和青椒，再喝碗大蜆湯，已很滿足。
然而，我們仲有最後的素麵來作結。本身打算淺嚐兩口便是，但爽身的麵條實在吸引，結果吞下了大半碗。
跟朋友大吃大喝，無所不談，從來是減壓的最佳方法。
呢排，成日都想吃好一點，有飯局歡迎搵我～
有刺身又有燒肉，啱我呢啲貪心嘅人喎！
回覆刪除豚肉係唔錯。
回覆刪除