2021年7月22日 星期四

Attic Handmade Pasta - 隨意發揮吧



食物:$$$1/2
環境:$$$$
服務:$$$1/2

做左英迷幾十年,英格蘭輸波好似已經慣左,十二碼輸俾意大利,痛失歐國盃,我沒有太多負面情緒。

無去食菠蘿比薩洩憤,取而代之是來到 Attic Handmade Pasta,吃手功意粉。

店子位於尖咀的The Cameron,呢個場其實有唔少餐廳食肆,但每次我都會將佢同Cameron Plaza撈亂,今云亦繼續重覆犯錯。

可以七點半前準時到埗,我要俾啲掌聲自己。

循例咬兩啖麵包,再嚐過悅口小吃的蟹肉酥,我已經準備好食頭盤了!

頭盤是醬油漬蛋黃多士,兩片鬆脆的多士夾著日式做法的醬油漬蛋黃,面頭鋪上魚子醬等作點綴,賣相有幾分像甜品,有趣。用上日本長崎縣既蛋,既有蛋黃香,亦添加了醬油之鮮味,有質素。

店子主打手功意粉,無理由一場來到唔食意粉咁『茂李』架?! 好友早已瞄準了其招牌菜色,海膽醬手功意粉。以海葡萄及烏魚子來作配襯,再加撮海膽係頂頭,我倆是寄予厚望的。味道唔算差,意粉也保持一定口感,但若以手造出品作招徠,其實還可以做得更好。我想又係時候去回味下大坑那家Dough Kitchen

另一款的廣島蠔意大利飯也有水準,至少米飯的口感合宜,兩隻飽滿的廣島蠔煎得香口,邊位帶脆,合格有餘。

甜品之提拉米蘇,做到濕潤可口,兩個人些牙一份,確實有點唔夠喉。

九點未夠餐廳已開始少人,唔知大家係咪要趕歸家睇大叔呢?


餐廳資料:
Attic Handmade Pasta
尖沙咀金馬倫道33號The Cameron1樓101號舖
26880089

4 則留言: