2021年5月26日 星期三

Nina Patisserie - 一早應該開啦!



食物:$$$1/2
環境:$$$1/2
服務:$$$$
 

近月如心酒店集團有好多新搞作,除了將英文名字由從來唔識讀既L'Hotel 變成Nina Hotel外,荃灣如心既酒店大堂,亦終於加入了Nina Patisserie。

一早應該咁做喇,我向朋友說,以前咁大個Lobby,實在太浪費。

街坊既我,日後可以隨時來食早餐,或者嘆Afternoon Tea,諗起都暗爽呀!

與幾位久未露面的朋友來吃點東西,吹吹水,渡過一個舒適既下午。

健康的朋友,建議一試這裡的大蝦沙律,除了蝦夠大蝦爽口外,沙律菜是用上矜貴的羽衣甘藍,還混入了黎麥,香橙以及杏桃,成件事健康又豐富,酒店出品,的確有點不同。

三文魚貝果好在唔會硬得掟死狗,三文魚本身質素唔錯,紅洋蔥及忌廉芝士等配料,是相當穩陣的組合,是很恰宜的簡餐。不喜貝果包的話,碎蛋三文治則是醒胃之選。

到訪酒店的餅店,無理由唔食幾件蛋糕卦? 是日的拿破崙有三款口味,包括雜菸、士多啤梨,與及芒果,大家商議過後,決定要頭兩款。不管是雜莓,抑或係草莓,也不會酸到眼盲,吉士不過甜,酥皮亦做得清脆,值得一試。

看上去勁濃的慕絲蛋糕,實際上是混入了伯爵茶的成份,所以味道沒想像中甜,還帶點點佛手柑的氣息。要讚是有脆餅底,令本身細滑的質感多一份對比。

想吃醒胃的出品,就要點熱情果慕絲蛋糕了,酸度與甜味不是太強,比預期清新。

有凍飲也有熱飲,其中的鮮薑檸檬蜂蜜幾清潤,凍飲都唔一定無益,至少感覺上係。

唔好怕羞,同店員講你個名吧!

因為,佢可以幫你炮製出自己專屬的咖啡,我呢杯拿鐵係咪好可愛呢?!同筆者真人完全相反,哈哈~

餅店有Nina的招牌蝴蝶酥,本身買咖啡就會送上兩塊,我當然覺得唔夠喉,要拿一瓶回家,慢慢品嚐。

Weekend在家的下午茶,有著落了。


餐廳資料:
Nina Patisserie
荃灣楊屋道8號荃灣西如心酒店地下大堂


4 則留言: