2021年4月29日 星期四

一喜食堂 - 日本小店風情



食物:$$$
環境:$$$$
服務:$$$$ 

在英國讀書期間,曾經有位朋友,獨食之時九成會吃老麥,獎勵自己既時候就會幫襯漢堡王,外人睇到好淒慘,但佢自己不知幾enjoy。

筆者都喜歡一個人食飯,但絕對無佢咁誇張,我獨食多半嘆茶記,想吃好一點的話,會惠顧日式拉麵店。

是日試下朋友推介既一喜食堂,聽說拉麵連小食再加飲品,一舊水有找,非常划算。

店子不足十個座位,但佈置風格,蠻有日本拉麵小店的感覺,環境倒是幾吸引我。

食物款式好有限,只有三款不同口味的拉麵,與及兩款小食。枱頭有幾個籌碼,想吃什麼就把籌碼拿給店員,是這裡的下單方法。

我既選擇,是櫻花蝦海老味噌拉麵,慣性地先呷口湯,係有點蝦既鮮香,不過我嫌去得未夠盡,還好面頭有唔少櫻花蝦來挽回分數。

叉燒有三片,算幾慷慨,可惜偏厚的出品,質感頗為嚡口,麵條即使說了要硬身一些,仍然不及預期。

餃子是現成貨,個子比較細小,但至少煎得底部微脆,味道正正常常吧~

可樂係枝裝,是驚喜位。

Payme埋單,乾手淨腳。可惜第日派錢,Payme無份~


餐廳資料:
一喜食堂
深水埗順寧道25A號薈悅地下6號舖
66151628

3 則留言: