友利冰室 Ｘ 勿當奴 - 好Ｌ鍾意香港既爆炸頭

食物：$$$1/2
環境：$$$$
服務：$$$$

友利冰室 X 勿當奴，一直在筆者的to eat list之中，只是遲遲未有機會前往。

等了又等，運動場所終於可以重開，造就我和波友在這人氣店品嚐午餐。

等侯期間，店員奉上餐牌，可以揀定心水食物。

食豬柳強、巨無罅，還是人血饅頭好呢? 在落單的前一刻，我和波友仍在掙扎。

點好餐，拿個號，慢慢等，會有人送餐的。

波友食勿當奴餐，媽芝漢堡係佢既選擇，另外仲加左八蚊雞，要客椒鹽燒賣。

煙煙韌韌既燒賣，吃起來香口又唔會太乾。粗身的薯條，自然比起老麥的好吃十倍。

波友既媽芝漢堡，賣相真的很親切。我沒有試，但據說塊牛肉還好，厚身有肉味，呢個價錢食得過。

卡邦尼意粉與中式乳豬，大纜都扯唔埋，總廚發揮無限創意，促成了這場異地戀。

Carbonara正常發揮，起碼忌廉汁對胃口，乳豬有肉香，唯外皮略韌。兩者是否很夾? Well...可以啦～

加八蚊可挑選雪櫃內的任何飲品，當中包括有罐裝汽水、樽裝可樂，勁大枝的羅漢果茶，以及港式奶茶。

咁幾歹飲大枝嘢啦！

冰凍濃郁的奶茶，幾有水準，不過真係好鬼大枝，飲到一肚水。

食食下仲見到好Ｌ鍾意香港嗰個爆炸頭。

餐廳資料:
友利冰室 X勿當奴
荔枝角長順街15號D2 place 2期1樓109號舖
23386788