2021年3月11日 星期四

白布烏冬 - 新地埗



食物:$$$1/2
環境:$$$$
服務:$$$$ 

人稱拉麵陳的Meter,有個喜好,就係將佢既餐廳視為實驗室,不停地試新花款,甚至店鋪的地埗也會換來換去。

譬如大角咀的金所,由食白布烏冬變成拳頭咁大既炸蠔,再到今天的丼飯,經常給予客人驚喜。

旗下的白布烏冬則三遷,新舖位於長沙灣道,呢個舖位近十年做乜死乜,睇下拉麵陳可否扭轉這宿命。

吃的東西與之前在荔枝角道時無異,獨沽一味白布烏冬,但可揀凍食、熱湯,或者沾麵形式。

方型像布疋的烏冬,質感滑溜,咬落有點煙韌,跟我上次嚐時的感覺一樣,係似餃子皮。這種烏冬,吸入沾湯,自然好吃。三大件的厚切鴨肉,唔怕硬轟轟,加埋茄子及大蔥,吃得很滿足。


雞肉熱湯的食法,也絕不遜色。醬油湯頭幾岩我口胃,雞肉我唔肯定是否慢煮,總之成品比想像中更為嫩滑。

如以平日吃拉麵計,我是喜歡湯拉麵大於沾麵,但轉成白布烏冬後,則各有千秋...

八點半左右,鄰桌埋單後,全場只剩我一枱客,看來要改變呢個舖位既宿命,是要花點氣力。

阻人收工猶如...,快趣飲埋罐可樂走人。


餐廳資料:
白布烏冬
長沙灣長沙灣道638號地舖

4 則留言: