2021年3月10日 星期三

蒸廬 - 良心店嘆一盅兩件



食物:$$$1/2
環境:$$$1/2
服務:$$$$ 

早幾天才想著嘆一盅兩件,今日同事就建議去點心專門店,正中我下懷。

由佢引路,帶我來到這家蒸廬,原來更是一家值得全力支持的良心店,實是Bonus。

限聚令放寬,三條友可以同聲同氣坐埋一枱,吃也吃得自在。

自行手機落單,方便快捷,落錯單也與人無尤。眼濶肚窄既我哋,又點心拼盤又蒸飯,下畫肯定飯氣攻心。

點心拼盤好豐富,燒賣巨大又飽滿,爽口又帶豬肉的甘香。蝦餃與菜苗餃包得靚仔,試了後者,皮不黏牙,豆苗清甜亦有蝦粒豐富口感。綠色的原來是抹茶叉燒包,據聞味道不俗,但食古不化既筆者始終較喜歡傳統裂口的叉燒包。甜食方面,最欣賞馬蹄糕,清甜可口,也真有勁多馬蹄在內。

這裡的蝦多士,不及那些鳳尾蝦的賣相吸引,但多士鬆脆,蝦膠彈牙,配上士多啤梨醬,仍是可口,屬實而不華的出品。

蒸蘿蔔糕質感還可,問店員拿碟辣椒醬來醮之,整件事頓時更上層樓。

肉餅飯份量比預期中大,破穿蛋黃任由蛋液滲進每粒米飯之中,再倒入豉油,已經可以吞下很多飯,肉餅大概是錦上添花。

食完飯,大家又要繼續加油~


餐廳資料:
蒸廬
紅磡船澳街99F號黃埔新邨佳富樓地舖


4 則留言: