2021年2月8日 星期一

Burgerism Steak & Wine - 注入原動力



食物:$$$1/2
環境:$$$$
服務:$$$$ 

忙到尿都無時間痾,好不容易來到Happy Friday,吃豐富一點獎勵自己也不為過,原來不單止我是這樣想,戰友都有呢個諗法。

紅磡雖然有唔少美食,但疫境下好像四圍都係危險地,結果又回到熟悉的民泰街,那邊勝在食肆林立,不愁選擇。

到訪的這家Burgerism,據聞以前頗旺場,不過依家可能好多朋友仍然WFH,又或者時間尚早,只見三幾枱客。

沙律與餐湯,不可兼得,我較有興趣南瓜湯。熱度足,南瓜味香濃,旁邊的蒜茸包夠脆口,我無揀錯。

睇店名,大概都知道漢堡包是招牌食品之一,無理由唔試。蠻厚身的牛肉,加多片煙肉,同埋芝士,絕對邪惡,但又肯定美味,尤其是塊牛肉肉香而多汁。以貴價的火箭菜取代甜生菜,身價自然大升。薯條是新鮮炸起,香脆熱辣,可惜鹽下得太兇,略為過咸。

戰友的香煎三文魚意粉,個人其實很怕吃熟既三文魚,一旦火侯控制稍有差池,會是災難性的效果。還幸,呢塊三文魚雖然好厚身,至少沒有過份地熟,魚皮煎得香脆,合格的。舌頭早已被寵壞既我,對於不是手造的意粉,興趣不大。

縱使是快樂星期五,一杯香濃的咖啡仍然非常重要,皆因下午又是馬拉松式的會議。


餐廳資料:
Burgerism Steak & Wine
紅磡民泰街45-47號黃埔新村安榮樓地下D號舖
63601941

4 則留言: