2021年2月5日 星期五

Pasticceria Giovanni Pina - 呷一口咖啡的地方



食物:$$$1/2
環境:$$$$
服務:$$$$ 

忽然間,一向是美食沙漠的如心廣場,出現了幾間我想吃的餐廳,包括泰國菜Bamboo Thai,台灣牛肉麵段純貞,以及這家意大利老店Giovanni Pina。

十二月頭,還未禁晚市堂食的日子,與舊同事偶遇,擇日不如撞日,捉埋佢去Bamboo Thai試新嘢,水準還好,舊部仲搶左張單去埋。

段純貞之牛肉麵,長期排大隊,我無耐性等,留待熱情冷卻時才去見識吧~

所以,第二間我到訪的,就是意大利名店Giovanni Pina。

放置在餅櫃內的各式蛋糕好吸引,不過早餐仍未吃,還是先點些咸食,到時胃納有空間的話才再算。

分甘同味總比自己食自己好,選兩款大家也有興趣的三文治,三文魚燒茄子香草包是其一。包身做得軟熟,可是三文魚咬落凍冰冰,茄子亦然,加埋辛辣既生紫洋蔥,年紀大既筆者其實覺得唔太合胃口。

另一款係磨菇火腿水牛芝士拖鞋包,份量同樣巨大。一直以為磨菇與咸香既火腿做唔到朋友,估唔到又幾夾,連同辛香的火箭菜,配合充滿空氣感的拖鞋包,比起剛才的那個香草包更合心水。

個人認為,主角反而不是三文治,而係沙律及甜薯條。沙律用上了火箭菜、車厘茄及無花果,感覺特別好。甜薯條從來比普通薯條優勝。

米蘭咖啡很香濃,按自己口味加入適量既奶,是一杯好啡。

單是三文治我倆都無力完成,蛋糕唯有留待下次才品嚐。咁近我屋企,總有機會的。


餐廳資料:
Pasticceria Giovanni Pina
荃灣楊屋道8號如心廣場商場一期1樓109-111號舖

2 則留言:

  1. 連茄子都唔grill下先,凍冰冰咁,我都麻麻。

    回覆刪除
  2. 段純貞我食咗喇雞麵正過牛肉麵!呢間我仲未試呢!

    回覆刪除