2020年12月23日 星期三

日日香鵝肉飯店 - 鹵水新貴?



食物:$$$1/2
環境:$$$$
服務:$$$$ 

想食泓一拉麵,可是現時的限聚令及餐廳座位限制規定,令本身已容納不了多少客的小店,更加難經營。

門口是永遠有人等位,卻做不到幾多生意,而像我等不喜歡排隊的麻煩人,見狀也只會打退堂鼓。

食唔成拉麵,對對面的潮式鹵水鵝反而有點興趣,一於試試。

落完柯打等候期間,聽到好些客人同店員吹水,都大讚佢哋食物出色,有個哥仔甚至話專登駕車來吃,似乎唔係造馬。

特級鹵水鵝皇飯有齊鵝片、鵝肝及鵝腸等等,幾吸引,然而收一百三十八,在未清楚店子水準前,還是保守一點,小試牛刀來碗鵝片飯就好。

鵝片切得薄,入口總不會韌,只是始終不是老字號,缺乏了濃郁的鹵水香,但味道是可以接受的。鵝片以外,有兩片我起初以為是豆腐的東西,口感卻是煙煙韌韌很好吃,原來是扎肉也。配埋雞蛋,以及酸中帶微辣的潮式咸酸菜,送飯一流,只是米飯略欠軟熟。

特選鹵水飯配料包括腩片、豬大腸、紅腸、鹵雞蛋、扎肉及豆卜,十分豐富,只試了頭兩樣,肥瘦各半的腩片爽口,大腸雖欠缺中芯的肥脂,但質感蠻好,收貨有餘。

凍奶茶都滑既,若可多番些茶香,會更合心。

要讚店家的招呼唔錯之餘,防疫意識都好足,探熱搓手係基本,某些座位更是讓客人單向坐,以減低傳播風險。

原來此品牌在疫市下已連開四間分店,據說還陸續有來...


餐廳資料:
日日香鵝肉飯店
紅磡民泰街41號黃埔新邨遠榮樓地下C2號舖

4 則留言: