Labels Cafe + Bar - 服裝設計師下的咖啡室

食物：$$$
環境：$$$$
服務：$$$1/2 

跟久未露面的食友JJ傾開，得知佢近排轉左工，在荃灣上班，即係可以約食晏喇。

問佢想食乜，答案是：無所謂，唔係藍就得。

不如近近地南豐紗廠，場內九成九的餐廳我都嚐過，Labels Cafe + Bar是滄海遺珠。

店子由本地時裝設計師Harrison Wong開設，一邊賣潮流服飾，另一邊做咖啡室，頗有K11那種藝術氣息。

以醒胃既蕃茄湯打開胃口，主食馬上送到。

JJ依家吃得非常健康，大部份日子茹素，間中才吃一、兩餐肉類。是日佢既選擇，也只是田園沙律。

各式沙律菜配以柑肉、草莓、藍莓及紅嗓子等生果，仲有黎麥，健康之餘亦色彩繽紛，令人食慾大增，我呢個食肉獸見到都想吃。據說水準唔差，看他將整碟沙律幹掉，一條菜不剩，相信此言非虛。

本想食慢煮豬，可惜售罄，唯有改要西班牙辣肉腸及蝦肉意粉。賣相並不討好，軟爬爬的意粉亦非我所喜歡，蝦肉質素也不上乘，唯獨是辣肉腸的煙韌口感比較似樣。

心郁郁想吃點甜，商議後決定要一件青檸芝士蛋糕分吃，質感與味道比預期中輕怡，可以收貨。

食友既朱古力燕麥奶很香，不過要加廿六個大洋，我還是要杯不用加錢的熱檸檬茶好了。

既然咁近，大家第日可以多啲出嚟食下飯吹下水啦~

餐廳資料:
Labels Cafe + Bar
荃灣白田壩街45號南豐紗廠3樓305-306號舖
34262668