2020年10月28日 星期三

海外篇:悉尼睇樓團

 


移民,絕對是近期港人討論得最多的話題之一,我周不時聽到朋友在研究探討,除了拎住BNO過英國,澳洲肯肯定係另一熱門之選。

投資移民又好,技術移民又好,始終要了解一個好實際既問題,住屋!

到底當地既樓價貴唔貴?投資物業係咪划算?一於同大家去睇睇。

來到Rhodes,這區主要是亞洲人居多,從火車站步行過來不用十分鐘,交通方便。屋苑附近食肆林立,甚至飲茶、同埋港式茶餐廳都不缺。

屋苑大多是六、七層高,再睇呢個108平分米的兩房單位,景觀開揚,近眺河景,環境清悠。

單位四四方方,客飯廳分明,放了餐枱傢俬也十分濶落,仲有個好實用既露台,唯一缺點是西斜,夏天會比較熱。

睇過幾個單位,書枱都是類似的設計擺位,以實用為主。

單位兩房,其中一個係套房,地方同樣寬敞,落地玻璃窗更具空間感,其實真係好舒服。梗係啦,過千呎地方,係香港至少是三房,甚至四房了吧~

套廁則設有浴缸,可以浸浴。

澳洲流行開放式廚房,稱不上特別大,至少夠用。

洗衣房有齊洗衣乾衣機供應。

此單位2012年落成,發展商係當地數一數二的Meriton (澳洲買樓最好買Meriton,道理等同係香港要買新地樓)。樓價約$100萬澳元,已包一個車位,同埋當地流行會送你一個Lock up storage,地方都唔細,間格有如香港的迷你倉。

澳洲既屋苑當然不像香港咁有豪華Clubhouse,然而這裡設有桑拿、游泳池和Gym Room,算係咁。

租務情況又如何?以這單位而言,大概可租$720澳元/ 星期,租房回報不算高。

7 則留言: