2020年10月19日 星期一

新店速遞:鼎家喜筷 - 鼎之新作



食物:$$$1/2
環境:$$$$
服務:$$$1/2

荃灣海之戀商場近期開了好幾間新餐廳,得獎叉燒的海天花園酒家仍未試,先吃同樣是名氣十足的『鼎爺』。

鼎爺既新店,命名鼎家喜筷。

茶餐廳格局,但收費絕不便宜,仲要加一,始終掛住鼎爺既牌頭,總唔會平得去邊。

即係咩價位? 叉燒飯單併,無跟嘢飲,六十九個大洋 (另加一)。加十八蚊可升級做定食,有沙律及飲品。在荃灣區,我有點保留。

套餐的沙律,車厘茄清甜,可是皮有少許韌。最特別係個醬汁,就是乳豬醬,師傅大概是想物盡其用?不過,效果都唔太差既。

點了叉燒蛋包飯,上桌變成叉燒飯,向店員反映,廚房鋪番隻雞蛋係上面,我唔肯定鼎爺真正的蛋包飯原先是否這樣。

唔係想像中的日式蛋包飯,但雞蛋是嫩滑有蛋汁的。幾片叉燒偏瘦,不過因為切得薄,又唔會太韌,而且帶有燶邊,肉味重,大致是不錯,若多點點蜜味,我會更喜歡。

另一款的鳳爪排骨鍋飯,排骨爽口,唔會一陣雪味,鳳爪口感唔錯,也入味,自行加入適量的甜醬油撈飯,合格以上既。

鼎爺杯奶茶又掂唔掂呢?

有茶香,夠滑,但就是薄身了一點。


餐廳資料:
鼎家喜筷
荃灣大河道100號海之戀商場3樓3012號舖
24888399

2 則留言:

  1. 隻蛋都幾靚仔,不過蛋蓋飯同蛋包飯,始終感覺有啲唔同。^^”

    回覆刪除