2020年9月18日 星期五

Cafe Hachiko - 來,喝一杯吧!



食物:$$$1/2
環境:$$$1/2
服務:$$$1/2

香港既咖啡室多不勝數,飲到胃穿窿都試不完,但集CafeWhisky Bar於一身的,卻又寥寥無幾,五隻手指數得晒。

要我數既話,我只噏得出Coffee Analog,與及這家Cafe Hachiko,皆是新開業不久的店子。

你能說出第三、四、五間嗎?

其實又唔係咩特別嘢,這類店子在日本及澳洲屢見不鮮。或者係香港人太保守,認為到訪咖啡廳的都是看書及打卡既文青,酒吧只會是飲大兩杯便發生親密關係之場所吧~

咁,呢類咖啡室兼酒吧,在限聚令人能否打開門做生意? 要像蘭桂坊的酒吧般須全天候關閉嗎?

答案可以是Yes,亦可能係No,視乎你拎住個咩牌照...... 好複雜,不在此詳細探究,費事悶親大家。

Any肥,今次我到訪的Cafe Hachiko,有打開門做生意。

說回咖啡,不管係竹炭咖啡或是拿鐵,拉花亦稱不上賞心悅目,但用上精緻的玻璃酒杯,頓時成為打卡呃Like既良品。再者,咖啡的水準還好,放了好一陣子拉花亦沒有散,入口醇和,沒有投訴。

我們點的卡邦尼意粉,是沒有下忌廉的版本,換來是蛋香及濃郁的芝士香,頗正宗的意式做法。再者,意粉口感幾好,若煙肉能夠爆香一點,就更滿意。

甜品選上了法式西多,可是又漏單又制作需時,一個多小時仍沒送到,店主都勁唔好意思。幸而,成品總算香甜,等左咁耐,肯定是新鮮做出來吧!

鑑於法式西多實在搞得太耐太久,店主為表歉意,送上兩粒和果子給我倆品嚐,都好識做丫~

見枱枱都點上紅豆抹茶,好唔好飲就唔知,不過賣相絕對夠呃Like,家陣始終係手機/ 相機食先飲先既年代。


餐廳資料:
Cafe Hachiko
旺角彌敦道575號Ladder Dundas 8樓


2 則留言: