風味小炒，豉汁炒蜆

 

禁堂食令之下，已好耐無出街食晚餐，大牌檔更加唔使講，好掛住增輝既小炒皇、銖記既風沙雞，以及強記既焗魚腸 (執左未?)。

短時間內好難可以三五知已再訪大牌檔，想吃的話，唯有自己動手，弄一款風味小炒 – 豉汁炒蜆。

買斤蜆番來，用鹽水浸佢一句鐘左右，等蜆吐沙。

說時遲那時快，一個小時便過去，我會先烚一烚啲蜆，等佢開口，撈起備用。

爆香豉蒜，見蒜茸開始轉金黃色後，再將蜆放入鑊同炒。

由於蜆已差不多熟，無須再炒太耐，加入蠔油、生抽、老抽及糖，兜勻啲蜆，讓每隻都均勻上色，最後放埋蔥段輕輕兜一兜，即可上碟。

小秘訣：

• 加點紅椒粒可令炒蜆惹味好多，但我屋企人一點辣也吃不到，所以才沒有放指天椒

• 吐沙有好多方法，最普遍是浸鹽水，你亦可用溫水加點食油去浸，或者用指天椒加米酒水去浸。其實目的係令蜆感覺唔舒服，嘔番啲嘢出嚟

• 如炒熟後發現有些蜆仍不開口，即代表是死蜆，請不要吃