2020年9月4日 星期五

金所 - 拳頭咁大既吉列蠔



食物:$$$$
環境:$$$$
服務:$$$$ 

話說早前在慶記食小籠包後,路經由拉麵陳開設既白布烏冬專門店,驚覺呢位日本美食達人又有新搞作...

白布烏冬消聲匿跡??? 非也,只是搬了去深水埗而已。

至於呢間店,保留『金所』既名字,只是賣的東西有所不同。餐牌只得三項選擇,分別係炸池魚、大蝦,以及主打的拳之牡蠣。


店自慢的拳之牡蠣,顧名思義,就是拳頭咁大既吉列炸蠔,我對此最有興趣。



定食可揀二或三隻牡蠣,細食如我,兩隻已經很足夠了。除了吉列蠔伴椰菜絲外,還有漬物、味噌湯和米飯。



味噌湯唔係一味死咸,至少不搶喉。驟眼睇,兩隻吉列蠔果真有如網球般巨大,色澤金黃,好吸引。我在想,到底係咩蠔身型可以如此龐大呢? 是美國蠔嗎?



大口咬下鬆脆的外層,謎底終於解開,原來是有幾款不同大小、品種的蠔在內,師傅話有日本有韓國亦有美國,眼見隻隻漲卜卜很飽滿,個別的身軀也真心大的。口感幾好,鮮味十足,而且香脆不油,水準之作。



吞下兩隻蠔,確是幾飽肚的,再吃點清爽的椰菜絲,以及醒胃既漬物來消消滯,捧著肚子離開。

原本打算的咖啡下場,為避免『獲利回吐』而取消。

由於店名沒改的關係,好些客仍不知道,進來要食白布烏冬。


餐廳資料:
金所
大角咀利得街52號地下
36898807

4 則留言: