2020年8月10日 星期一

兒時美食,薯仔炆雞


細個時阿嫲經常會做的其中一味餸,係薯仔炆雞。

個人認為,這道家常菜色,薯仔應該是最受歡迎男主角,雞只是女配角而已。


又是新手也可輕易完成的菜色。先把薯仔刨皮切片,另外以豉油、糖、生粉及味醂醃雞約廿分鐘。


爆香啲薑,同時將雞煎至兩邊轉色,便可加入薯仔同炒。


薯仔炒至兩面焦黃,加入一碗水慢慢炆煮,大約炆十來分鐘,直至見薯仔變軟腍,中途可放少許鹽作調味。

埋個芡,兜一兜佢收汁後,即可上碟。

小秘訣:

  • 先將薯仔炒至兩邊焦黃,可避免薯仔炆到溶溶爛爛

  • 如嫌雞翼太淺色唔好睇,放些少老抽吧



2 則留言: