優。家餸煮意 - 人人可以做大廚

今餐犀利喇，四餸一湯，白飯任裝，輕易包辦。

食咩餸先? 飲乜湯先? 可能你會問。

蒜香粉絲蒸扇貝、花膠腩肉炆鵝掌、法式紅酒燴牛尾，以及南乳花生炆豬手，仲加個瑤柱雞腳燉唐排湯。三條友食，豐富到反肚。

蒜香粉絲蒸扇貝，個子不少，勝在有炸蒜，隨時惹味過出街食。

花膠腩肉炆鵝掌，層次分明既腩肉，頂頭的肥肉部份寧舍邪惡吸引，妙在瘦肉部份仍鬆化不韌，鵝掌亦夠入味而不致溶溶爛爛。

法式紅酒燴牛尾，同樣鬆化入味，我連洋蔥及紅蘿蔔都唔放過。

南乳花生炆豬手的皮很豐厚，骨膠原豐富，但南乳香可以再重一點點。

飲埋碗瑤柱雞腳燉唐排，食埋啲雞腳，飽到上心口。要讚個唐排，仲以為會好嚡烚烚，原來又唔怕喎~

哈，你以為我真係咁堅，搞個四餸一湯出嚟? 全是優。家餸煮意既功勞啦，所有嘢只要加熱十五分鐘便可。

最緊要，係可以送貨丫嘛?!