2020年5月15日 星期五

張公館花園 - 疲情下的母親節飯



食物:$$$1/2
環境:$$$1/2
服務:$$$$

今年母親節,無等埋阿妹一家齊齊食飯慶祝,畢竟在這非常時期,都係小心啲好。

依習慣都係提早食,費事人多難搵位,又要被迫食套餐,唔知今年既大節日,餐飲業可否做番多些少生意,幫補下呢?

中午來到張公館,這兒原本有蠻舒適的露天位置,讓食客悠閒歎茶,可惜是日天陰陰,還是坐番室內比較穩陣。

抗疫日子,餐廳為客人送上潤肺湯水,青紅蘿蔔豬展無花果,十分清潤,不令收費來說,絕對收貨有餘。

貫徹飲茶要食叉燒既慣例,呢度既叉燒,採用西班牙黑毛豬,以鐵板上。經理在我們面前倒入汁醬,沙沙聲響結合輕煙與香氣,十分誘人。然而叉燒的水準算不上頂級,質感軟腍卻欠缺肉香。墊底的蜜豆份量勁多,入口鬆化,卻無甜味,沾到了叉燒汁,反而有點過咸。
      


蝦多士做得鬆脆不油,蝦肉也彈牙,唯味道略為淡口。


蝦餃燒賣是飲茶的指定動作,燒賣比較的骰,味道正正常常。蝦餃叫做張公館. 蝦餃皇,好架勢咁。沒有閒情去數蝦餃有幾多摺,但全是蝦肉的出品不是我杯茶,混入豬肉與筍尖的蝦餃家陣係咪已經消失左?


雞扎是我最喜歡的點心,可惜這款鮑汁四寶滑雞扎有點令人失望,腐皮頗韌,吃起來有點糊口,無左我喜愛既厚切火腿...


做得最好大概就是鳳凰煎糯米雞,金黃賣相討好,口感是外微脆而內裡軟熟,溫度充足,好吃!

家陣佢點心做緊七折,小菜則九折,總之生意難做喇~


餐廳資料:
張公館花園

4 則留言: