十四天又十四天~

明明說好是14天，14日之後又14日...

抗疫時期唔知仲有幾多個十四天，這陣子通常中午出去吃完午餐，會順便買些東西，晚上回家自煮。畢竟限聚令之下，已經無乜飯局可言。

諗食咩有時都幾頭痕。麻煩既筆者，間中會無飯癮，又未必想食公仔麵咁寡，整個Pasta、煎舊魚又一餐。 

像是夜，想不到吃什麼，就開了個包裝的長通粉。

         

份量絕不少的，兩個人食亦足夠，不過這晚再煎多兩件比目魚。

跟足包裝袋既說明，煮約七分鐘。其實，已經調好味，可以食得，但我會將多餘的水份倒去，撈隻蛋黃，務求長通粉更香更滑。

沒有配料是不行的，在雪櫃取幾片風乾火腿做餸，那就很意式風情了。

未完未完，再刨些少Wensleydale Cheese上面，香氣頓時提升，個人覺得不比外邊的Cafe遜色。

比目魚我只想起香煎了，灑上鹽和胡椒，簡單將兩邊煎至金黃就是。嫌口味太寡既話，唧些少檸檬汁，或者醮Mayo，同樣可以。