難得跟好友一聚，三條友當然是雞啄唔斷係咁傾，不過話題已由去邊度邊度食好嘢，悄悄地變成到底自煮什麼。
講起整早餐，似乎來來去去嗰幾樣，大概是我的思維太狹窄。
見好友車媽媽話自煮班尼特蛋，呢款食物素來是我的至愛，也是假日常吃的東西之一，只是從沒想過自己動手而已。
在品穀買左兩隻英式鬆餅，吞下了一件伯爵茶味的，味道不俗，就留番件提子乾鬆餅翌日做班尼特早餐。
鬆餅橫切一開二，鋪上風乾火腿，煮兩隻水波蛋，面頭再加點點松露醬便是我的偽Benedict。
可能是漩渦打得唔夠，又或者白醋放得太少，水波蛋的形狀好醜樣，難度最高其實不是煮水波蛋，而是將蛋放在鬆餅之上，皆因我戇居，用的鬆餅太細隻。
雖然賣相零分，但蛋汁滲進本身質素高的鬆餅，加埋咸香有致的風乾火腿，以及香氣四溢的意大利松露醬，味道是合格有餘的，我覺得...
再來隻水果新貴，來自台灣的紫鑽牛奶果，加多杯咖啡，就肯定是Good
Morning~
估唔到隻碟，同個牛奶果又幾襯色喎！哈哈~
大家仲有咩簡易早餐可整，可在這裡交流下。
店鋪資料:
品穀
下次用烘脆又大大個嘅croissant 墊底配埋煙三文魚加菜，隻蛋都一定仲有好多位放，哈哈！
回覆刪除哈哈哈, 好提議~
刪除鬆餅太細隻哈哈真抵死！
回覆刪除第日用方包~
刪除