2019年10月7日 星期一

百味堂。鐵 - 店中店



食物:$$$1/2
環境:$$$$
服務:$$$$

大鄉里出城,首次踏足尖沙咀的新商場,K11 Musea

呢個充滿藝術感既商場,設有多家型格食肆和時尚品牌商戶,不難想像,會輕易成為年青人吃喝玩樂的新焦點。

孤陋寡聞既筆者,以為百味堂只是吃雪糕甜品,完全唔知道佢有咸點,甚至鐵板燒食。
        


上網搜尋,明明餐廳是在商場的B1樓層,為何只見到百味堂,而沒有『鐵』呢?原來,是店中有店,推開一道極隱蔽的門,便會發現另有洞天。


十月的天氣仍是那麼熱,大汗疊細汗的來到,大口呷幾啖醇滑既Iced Latte,舒服晒!


先來的韓式燒海鮮,湯頭辣中滲出甜味,足料之作。海鮮當然很豐富,鮑魚、帶子、蜆肉及虎蝦等,一應俱全,此外,更有自家製的韓式手撕麵片,形態像是大塊版本的貓耳朵,重要係面頭蓋上芝士,煙韌又邪惡,好吃但飽肚。


接著是香辣豬肩肉配魷魚飯,魷魚沒韌得像吃口香糖,塗上韓式辣醬添惹味,豬肩肉同樣是嫩口又夠味,墊底的炒飯亦十分香口,絕不馬虎。


再來分享的One Tray套餐,內容有齊沙律、漬物、韓式蒸蛋、辣炒海鮮、韓牛,以及泡菜炒飯,相當豐富。醃蓮藕據聞很爽脆,海鮮是好東西。在我而言,主角始終是韓牛西冷扒,有証書的,肉味濃郁,兼且鬆化,比起我在首爾米芝蓮餐廳嚐到的韓牛更勝一籌。


飽到上心口,但老友們想食甜,我又怎能不奉陪到底呢?!友人極力推介百味堂的焦糖咖啡雪花冰,上層是挺身又濃郁的牛奶雪糕,墊底係綿滑既雪花冰,吃時加入醇香的焦糖咖啡,果然非常精彩。


另外的朱古力牛奶雪糕,朱味幾重,但質感偏實結,好飽肚。

真係一店滿足晒兩個慾望~

餐廳資料:
百味堂。鐵

2 則留言: