海外篇：最香餅家 - 傳統美

食物：$$$$

環境：$$$1/2

服務：$$$1/2

過大海吃喝玩樂，若然順路既話，會買些杏仁餅回去，跟家人及朋友分享。

筆者所選購的，並不是鉅記，亦唔係咀香園，而是另一老字號，最香餅家。

最香餅家在澳門早已街知巷聞，要買請早點去，下午時份來到，某些熱門的口味好可能已經售罄。

       

小店當然有唔少名人明星光顧，譬如阮兆祥 (應該係盧覓雪先真岩)、最受歡迎男歌手古天樂，同埋Chef Le Mon 等等......

大熱天時，見師傅在不辭勞苦地手工炮製杏仁餅，提醒我美味的東西其實得來不易，需要珍惜。

放在竹簍裡的杏仁餅，洋溢著香氣，炭火烘烤的杏仁餅，確實與別不同，未食已足以令人口水流。

粒粒杏仁餅充滿古早味道，帶顆粒的杏仁添層次，那就是傳統美。不過，我既心水從來是邪惡的蛋黃肉心，更為甘香，好食到一個點。

除左杏仁餅，店家仲有雞仔餅、合桃餅和鳳凰卷等供應，包你一定歡喜。

餐廳資料:
最香餅家
澳門夜呣街12號地下A座
(853)28383858