2019年8月16日 星期五

Book B Kitchen Mealmeal - 容我扮一陣文青



食物:$$$1/2
環境:$$$$
服務:$$$1/2

週六,來到南豐紗廠,並未見太多年青人,或許他們已沒心情再嚟扮文青打卡,或者佢哋有更重要的事情要辦。

畢竟紗廠距我家不遠,腳程十分鐘左右,所以這兒有近半的食肆,我也嚐過。

以筆者既性格,再度踏足此地,肯定會試些還沒嚐過的餐廳,今次選來這家,Book B Kitchen Mealmeal

單睇個名,大概已可猜到,這是集餐廳與書店於一身的地方。
   


食物選擇其實不多,我甚至有點覺得揀唔落手,最後勉強挑了腐乳炸雞定食。

炸雞除有點沙律菜,以及配上糙米飯之外,還有一小碟南瓜蓉,同埋玉子燒。

炸雞外層鬆脆,肉沒有炸到太乾,可是腐乳味屬點到即止,個人認為可以去得盡一點。沙律菜蔬新鮮,還見混入了我喜歡的火箭菜,加枝秋葵,沾上醒胃的胡麻醬,蠻好。


南瓜蓉豆乳味噌湯烏冬,最讚大概是湯頭,香甜濃郁,烏冬的口感亦不俗。半隻蛋火候唔差,兩片南瓜清甜,是健康美味之選,但收$88,似乎太過進取。


反而,Flat White並不是我鍾情的口味,對方的Mocha也略為淡口。


本想吃甜點,但餅櫃裡只見一件蛋糕,或者新鮮的仍未出爐,還是算了吧!

甜品,可以去第二度食架啫~

餐廳資料:
Book B Kitchen Mealmeal
荃灣白田壩街45號南豐紗廠六廠1樓111號舖

5 則留言: