老媽拌麵 - 總是差一點點

食物：$$$1/2

環境：$$$$

服務：$$$$

同好友R爆頭都諗唔掂食乜，忽然間佢話想吃撈麵，即時醒起新開的台汀過江店 - 老媽拌麵。

好彩早一步到來，遲五分鐘已經開始要排隊，睇嚟都係新屎坑既關係。

       

翻閱餐牌，食物選擇稱不上多元化，都係幾款麵食，同埋小吃等，飲品也只得幾款。

各自點了一碗麵食，大家開心些牙。不辣的，有蔥油嫩雞拌麵。店員會提醒你要趁熱撈。

麵條口感爽身，是我喜歡的質地，唯稍嫌蔥油香未夠濃郁，或許是我太重口味。半隻蛋做到流心效果，但雞肉卻不像預期，只能說是很普通。

我點的是老成都擔擔麵，滿以為會是小碗的湯麵，原來是乾撈。諗深一層，都係既，呢間始終主打拌麵，成都也確實有乾撈版本的擔擔麵。

麻是麻，辣算辣，卻實在太乾，麻辣汁醬太少太少。這樣乾巴巴的麵條，吃得不很舒服，還幸半隻蛋仍是有水準。

再來一份小食，鹵鴨舌，感覺同樣是不夠入味，是我倆的味蕾出了問題嗎？

黑糖珍珠奶，與及黑糖珍珠奶茶，水準好像不及珍奶專門店。

倒不如，再去台灣走一趟？這個地方值得支持... 暫時仲係！

餐廳資料:
老媽拌麵
荃灣大壩街4-30號荃灣廣場4樓441A號舖