海外篇：壹號海鮮酒樓 - 魚羊配

食物：$$$$

環境：$$$$

服務：$$$$

在朋友家住了幾天，其中一晚，佢話不如去屋企樓下的中菜試下？唔錯架！

我第一個反應：唔係呀Fa？！得唔得架？心裡有一萬個黑人問號，不過最終還是跟他去了。

環境比預期中雅緻，比很多店人街的中餐館舒適。

      

甫坐下，店員立馬奉上一盅湯品，說是送的，可是因為我朋友是VIP吧，雖然他矢口否認。

紅蘿蔔蓮藕湯清甜，肯定是沒加味精，完全是家常的味道，印象分即時大增。

三條友，就接店員推介，來個魚羊配的套餐，看是否真的夠鮮。所謂魚羊配，其實是羊腩煲，加灼魚的組合。講派頭的，可挑青衣或者星斑，但我們只是吃家常便飯，平平地來條盲鰽就可以。

看見成品，真估唔到只是屋苑的中菜餐館，師傅可有如此刀功。這樣的吃法，不諱言，我是首次。

羊腩煲與香港最大分別，是這兒注滿了湯。吃起來自然沒那麼香，但肉腩皮豐厚，肉質鬆化，唔怕硬轟轟，比想像中出色。加埋腐乳，絕對有助將味道幾何級提升。

套餐跟白飯和菜，蔬菜任佢隨便俾，是晚的皇帝菜，像打邊邊般灼來吃蠻好。

白飯原來不是跟人頭逐碗上，而係一壺的拿過來，食幾多自己照顧自己。

連中菜都咁有水準，假如真的移民過來，都唔使擔心會無啖好食。

發夢無咁早~

餐廳資料:

壹號海鮮酒樓

shop1/1 Gauthorpe Street Rhodes 2138

(61) 2 80688804