Ukiyo - 偶爾任性

食物：$$$1/2

環境：$$$$

服務：$$$$

坦白說，食鐵板燒，十居其九都是吃中午，皆因我太貧窮，感覺lunch會比較划算。

不過，辛苦了好一陣子，面對太多的uncertainty，讓自己偶然任性一次，晚上來吃個廚師發辦，也情有可原吧！

   

師傅第一樣為我準備的，是多士。多士之上係海膽與魚籽醬，鮮上加鮮。以金泊及紫蘇花作點綴，賣相更添矜貴。若多士可再脆口一點，便無敵。

接著的甘鯛魚配南瓜汁，有如fine dining的出品，似曾相識。魚皮香脆，肉質細嫩，跟南瓜茸亦非常夾。

個人其實唔太喜歡吃鐵板燒的鮑魚，總覺咀嚼完一大輪又無厘味道，唔知為乜。呢碟起碼做得軟腍。

跟住有龍蝦，鋪在脆麵餅之上，以魚籽醬及三文魚籽作點襯托。魚籽醬的鮮，跟三文魚籽的『爆汁』口感，令彈牙的龍蝦更具吸引力。鬆脆的麵餅，吸收了帶甜的海膽忌廉汁，整碟美食頓時錦上添花。

幾道矜貴的菜色後，以清新甜美的水果蕃茄沙律間一間場，再繼續搏殺。

宮崎A5和牛牛柳，入口溶化的感覺實在太誘人。沾少許日本芥末，夾著蒜片及鹽漬昆布同吃，再飽也可吃得一粒不剩。

在鐵板燒專門店嚐西班牙紅蝦意粉還是首次，見師傅起勢咁將蝦羔壓出來去伴意粉，深知道必定是既邪惡又美味的出品。同時，吃起來沒想像中的漏。更讚的是火侯控制，完全恰到好處，蝦肉爽彈不韌，十分出色。

循例喝過足料的麵豉湯，簡直十二分飽，甜品也幾乎吃不下。

清甜多汁的靜崗密瓜健康美味。甜到入心的蘋果甜點，只能與朋友分甘同味。

任性過後，還是要回歸現實，但願一切盡如人意。

餐廳資料：
Ukiyo
銅鑼灣霎東街15-21號OLIV 18樓
21528880