2019年3月4日 星期一

Mango Tree Kitchen - 芒果樹下的甜蜜



食物:$$$$
環境:$$$$
服務:$$$$

元朗型形點的Mango Tree Cafe,已易名為Mango Tree Kitchen,到底純係生意角度而改名,或是食物會有所變化,與壽星女來吃一頓生日飯,便自有分曉。

朋友生日飯我都遲到,罪該萬死,不過我知道主角係唔會介意既。嘻嘻~

很幸運,筆者總有一班對我很好的朋友,又幫我影相,又幫我留了食物,一坐低即刻有得食,感激!


大家為我留的豬頸肉很彈牙,軟殼蟹香脆,沙律辣勁非淺,燒鴨米紙卷足料又包得緊緻,炸魚位亦很精彩。
    

黃咖喱炒蟹是招牌菜色,巨蟹賣相先聲奪人,大家仲好客氣咁讓了隻蟹鉗給我,啖啖肉,好滋味。黃咖喱汁是微辣中帶甜,還滲出絲絲椰香,識食既各位自然唔會浪費,要個白飯來伴之。


五味脆皮雞也是這兒的招牌,的確是皮脆肉嫩,沒有辜負脆皮雞之名。沾些汁醬同吃,更棒!旁邊的蝦片絕不是等閒之輩,大家爭著吃,但我記住要忍口,一片好了。


接著是Mango Tree Kitchen的新菜色,椰青冬蔭公烤鱸魚。店員會即席將整個椰青水倒進冬陰公湯內,令湯底更有層次,份外怡人。鱸魚質素同是高,肉質鮮嫩,蝦肉彈牙,不錯。


再來的脆皮烤豬,又是以慢烤的方式去做,保持肉質嫩滑,豐腴的豬皮固然不可錯失。


甜品時間。從CafeKitchen, 其芒果糯米飯從不會令人失望。然而,我更喜歡另一道,椰香小米糕。將地道的泰國小食稍作改良,咸咸甜甜的太迷人。


最後是清甜的椰皇粟米新地,以及為主角準備的生日蛋糕...... 將氣氛推高~

神秘嘉賓,壽星女的fiance及時出現,令這頓芒果樹下的晚餐變得份外甜蜜。

祝靚靚壽星女幸福快樂!


餐廳資料:
Mango Tree Kitchen
元朗朗日路9號形點一期1樓1035號舖
26022878

6 則留言: