砂煲兄弟 - 下午茶食煲仔飯

食物：$$$1/2

環境：$$$$

服務：$$$1/2

跟很多香港人一樣，筆者食無定時，如是日在將軍澳工作，搞到四點幾才吃午飯。

或者可以叫下午茶，甚至early dinner。是但啦，都係一句。

東港城商場內的食肆，無幾間吸引到我。錦麗在裝修，又唔想下下食俺流鹽拉麵，即管試試呢間砂煲兄弟。

餐廳裝修有點特色，水吧位置是焦點，懶在懷舊feel～

    

一場來到，點都要食煲仔飯喇！下午茶仍保留兩款煲仔飯，一辣一唔辣，分別係重慶雞煲仔飯，以及馬蹄肉餅煲仔飯，我挑後者。

煲仔飯製作需時，我完全明白，篤下電話時間好快過。然而，店員把煲仔飯端上來時，已打開了蓋，棋差一著。

肉餅質感普通，只勝在混入了馬蹄粒來增添口感。煲仔飯焦點固然在飯焦，卻又唔覺特別香脆。

不曉得這玩味十足的餐廳，到底屬那個集團。但熱檸檬茶的杯子告訴我端倪，原來是以前灣仔春園街的鴛鴦...

倪年青，堅大叔的筆者，還是喜歡去傳統的地方吃煲來飯，如坤記。

餐廳資料:
砂煲兄弟
將軍澳重華路8號東港城1樓101號舖
27787020