食物:$$$$
環境:$$$$
服務:$$$$
呢幾日,當然是忙著吃開年飯,公司的,朋友的...
十餐有八餐係飲茶,其實咪話唔悶,所以若晚上有得揀既話,盡量也選擇其他國家菜系。
原本這餐開年飯,是打算食鰻魚飯和拉麵,因為某些原因,轉了來權八吃串燒和鍋物,當然我是非常樂意。畢竟,權八也是我喜歡的日本餐廳之一。
開波梗係先吃些小食,雞泡魚干從來是我既至愛,蟹餅炸至金黃,外脆內足料,已經好難輸。
店員奉來的野菜,全部非常新鮮,就咁食已好健康美味。配上大閘蟹羔醬,忽然變成魔鬼。不過唔理咁多,好食至上。
某程度上是為串燒而來。燒雞翼固然香口,免治雞軟骨棒口感唔怕死實實,更能討我歡心,記緊配上蛋黃汁來吃。
兩款串燒梗係唔夠喉,再來日本銀杏,是停不了口的。舞茸菇爽身而又有個性的味道,合我心水。然而,最誘人的必要數到燒芝士,雖然是漏了點。
我知,我哋係叫得有啲瘋狂,因為鍋物也來三個。泡荐豚肉富士鍋,豚肉本身質素已不俗,加埋辣辣的泡菜自會惹味得來,所以無冇投訴。
白鰻滑蛋鍋,雞蛋固然是明乎其實的嫩滑,混埋洋蔥及白鰻粒,水準真不賴。
北海道特產海鮮鍋,內容相當豐盛,材料肯定新鮮,我更有幸首次見識到魔鬼魚的面頰,又學到嘢了。
如此豐富的海鮮,吃得七七八八,自已加個飯、蔥花及紫菜等,弄個雜炊,唔使問都知一定會超好吃。
漸漸減少吃/喝甜的我,面對住呢個椰汁南瓜白玉子,也得要淺嚐小半,因為實在太吸引。
餐廳資料:
權八居酒屋
銅鑼灣希慎道33號利園一期4樓
27873688
見到北海道特產海鮮鍋賣相,又有啲心動想去日本添。
回覆刪除去去去...
刪除第一張好似有靚女入鏡wor!
回覆刪除為左影個靚女, 花左唔少功夫...
刪除椰汁南瓜白玉子我都忍唔住食咗一半!
回覆刪除係好食既~
刪除