2019年1月28日 星期一

新店速遞:J.S. Foodies - 熱潮持續



食物:$$$1/2
環境:$$$$
服務:$$$$

輕飄飄的梳乎厘班戟熱潮持續,又一城又開左間新嘢,叫J.S.Foodie,是希慎人氣班戟店Flippers的同枝,我自然有興趣。

家陣去食Souffle Pancake,排隊是件必然的事,呢間肯肯定唔會例外,好在有朋友早來霸位。
   


現時盡量每餐都有蔬菜既筆者,先來客招牌沙律配柚子汁與大家分甘同味。沙律菜蔬很新鮮,清甜的燈籠椒是我的心頭好,伴以醒胃的柚子汁醬,清新的好開始。


餐牌上有款推介,係龍蝦班戟,若你接受唔到咁新既事物的話,轉成意粉也可以。這客意粉,比起坊間的意粉幼身,有點兒像天使麵的感覺。掛滿濃香的龍蝦汁,蠻有水準。龍蝦成份也多得很,以鉗為主,肉質更鮮甜細嫩。


香港人真係乜都夠膽玩,連印度烤雞班戟都可以推出,創意無限。只是,我哋呢班老餅,都係穩陣啲配番飯。Tandoori Chicken放入咖喱汁入,再伴以日本米飯,其實都好嶄新。但咖喱汁撈飯又總會有個譜,天多利烤雞也來得香口。


一場來到,主角始終是班戟。先來份原味的梳乎厘班戟,用上日本蛋與麵粉,成品自然充滿蛋香,賣相也夠震騰騰,唯質感是偏濕。


另一份士多啤梨班戟,因有草莓、藍莓,以及香蕉等生果作點綴,賣相更吸引。而且質地無原味的咁濕,質素是高一點的。


點來的最後一款,係就係班戟,卻不是騰騰震的版本。焦糖布朗尼雪糕班戟,一聽便知重口味,所以跟上薄身香軟的班戟,其實仲匹配。


是晚好友飲咖啡,我卻選擇了Virgin Mojito Lemonade,清爽一下。


餐廳資料:
J.S. Foodies
九龍塘達之路80號又一城LG2樓30號舖i.t blue block
22658019

3 則留言:

  1. 呢間睇落可以一試,尤其龍蝦意粉,不過呢,我極度唔like 食angel hair。

    回覆刪除