2019年1月23日 星期三

Big Bay Cafe - 紅磡海旁的南澳風情



食物:$$$$
環境:$$$$
服務:$$$$

心水清的朋友或會記得,筆者聖誕前才在Kerry Hotel食過自助餐,仲開晒香檳咁慶祝,還不到一個月,又再次到訪?

是的,能讓我短時間內重臨,除了因為窮之外,也是因為愛呀!個人幾欣賞呢度既食物,尤其是新總廚Matthew Woolford上任之後,自助餐水準是大躍進。

今期,Matthew更將他家鄉,塔斯曼尼亞的一系列美食引入,包括和牛、海鳟魚、青口等等等等... 海陸食材都咁吸引,就當俾藉口來吃團年飯吧!
    


由凍海鮮開始,青口鮮甜,絕不是淡而無味的貨色。最怕嚐到些韌我像香口膠既龍蝦,這兒的波士頓龍蝦則肉嫩又多羔,龍蝦鉗自當更為鮮甜。還有蟹腳、凍蝦等,質素也甚高。


Cold Cut亦是我從不會錯過的項目,坊間常吃到的辣肉腸、莎樂美腸,統統唔放在眼內,因為這裡還有伊比利亞黑毛豬火腿(可伴無花果),以及煙燻澳洲和牛配多士。來幾件,配搭手中的VCP香檳,是何等享受~


廚子將塔斯曼尼亞的三文魚,以不同的版本去演繹。然而,不管是冷燻、楓糖醃製,抑或是伴以黑胡椒,魚的鮮甜味也特別濃郁,絕不是市面上一般自助餐的出品可以媲美。


作為不折不扣的食肉獸,目光自然是注射在烤澳洲和牛之上。其豐富的肉汁,入口溶化的質感,令人難以抗拒。


仲有一款極力推介的東西,正是香煎Toothfish。外形與質感均有幾分像銀鱈魚,但油香來得再豐富點,很出色。


除了澳洲的幾款招牌美食,韓式石鍋大概也是獨有,至少我在別的酒店從未遇上。食友取了個部隊麵回來,我毫不猶豫搶了件午餐肉,吸引精華的午餐肉,向來就是焦點。


甜品有唔少選擇,各式蛋糕滿足大家口味,但千萬不要錯過其手製朱古力,以及Gelato,否則你會後悔莫及。


上次太飽,吃不下分子雪糕,今云點都要留肚,而且好好彩,係我大愛的芒果熱情果口味,想起也口水流。


吃得飽飽的,三款冰茶均是解膩良方,Mango Jasmine Iced Tea是我個人推薦~

餐廳資料:
Big Bay Cafe

5 則留言: