LIS Cafe - 12月係龍蝦

食物：$$$1/2

環境：$$$$

服務：$$$$

上個月才吃過寫過黃竹坑的LIS Cafe，今個月又寫？係呀！因為十二月又推出新主題。

今次，輪到龍蝦做主角～～

　　

由於寫了沒多久，龍蝦以外的東西，輕輕帶過便是，不贅。凍海鮮，琵琶蝦、大蝦、蟹腳與青口之外，仲有大鉗的波士頓龍蝦，以及紅噹噹的小龍蝦。波龍肉質算唔錯，唔怕韌得像吃橡皮膠。

冷盤之中，日式冷麵、Cold Cut與芝士均是我比較喜歡的。各式沙律，壽司與刺身，循例吃一點就算，保留食力吃各款龍蝦菜色更重要。

沙律要特別一提，有款龍蝦粗麥配咖喱蛋黃醬，有點像龍蝦他他，伴以我喜歡的蛋黃醬，清新可喜。

龍蝦吐司，多士之上係勁足料的龍蝦肉，肉鮮而嫩口，配以醒胃之汁醬，係美味的。

仲有一款我挺欣賞的，日式鮮蝦燉蛋。燉蛋嫩滑不在話下，看也看得出汁醬的濃郁，吃起來更出眾，面頭的一小片的龍蝦肉，令燉蛋頓時變得矜貴。

意大利雲吞都做得好，皮煙煙韌韌，餡料加入了龍蝦肉，味道不俗，想攞多兩粒番來食。

試了少許香蒜鮮茄龍蝦意粉，有幸搶到隻龍蝦鉗，甜美。喜歡這個意粉的口感，軟硬適中，比想似中好吃。

龍蝦菜色差不多，再整兩粒惹味的咖喱魚蛋，便可以跳到我喜愛的甜品環節。

雪糕係採用Movenpick的優質品牌，水準之高大家自然清楚，但只有兩款口味，選擇略嫌太少。反而，試了黑糖珍珠奶茶布甸，以及柚子蘆薈啫喱，創新又美味。中式的蛋散依舊保持水準。

十位惠顧奉送斧頭扒的優惠，十二月份會繼續。

餐廳資料:
LIS Cafe
香港仔黃竹坑道55號如心南灣海景酒店P3樓
39688833