食物：$$$$
環境：$$$$
服務：$$$$
家陣去海洋公園站，真係快過出銅鑼灣。
又，去得呢個站，唔係一定入樂園既。如這個晚上，我們就係去旁邊新開的海洋公園萬豪酒店開餐。
南海小館，以順德菜作招徠，來自兩地的大廚們各司其職，水準自然無庸置疑。
各有各心頭好，好快便拼湊出是夜豐富的菜單，肯定又是飽得要抱著肚子離去。
先來份燒味，蜜汁叉燒薄切，有肥有瘦，也有燶邊位，一看就知是好東西。入口鬆化，帶點甘香，若不是要留肚，真想多吃幾片。
均安煎魚餅乃經典的順德菜，煎得香口，魚肉有彈性，好味。
近年已很少機會吃到涼拌魚皮，鯇魚皮爽脆，還微微滲出花椒的香氣，感覺清新，連香蔥同吃更佳。
再來個湯羹，有人喜歡功夫繁多的杏汁白肺湯，愛刺激的朋友揀左酸辣俱備，喝得人額頭冒汗的酸辣海鮮湯。而我還是來客傳統的順德拆魚羹，奶白湯頭，而且十分足料，真不賴。
接著又是香口的東西，豉油皇乾煎羅氏蝦，蝦肉彈牙爽口，簡單的以豉油皇作調味，已很惹味可口。
小炒皇鑊氣夠，來得香口又惹味，重點是加入了邪惡的鵝肝，令整件事生色不少。
仲有最靚既豬腩肉，仲有最靚既豬腩肉，講緊既係順德煎腩排。泊上沾米粉，帶出酥香的口感，連埋五花腩的甘香，實在教人停不了口。
鑑於呢個煎腩排太正斗，大家都好想繼續再吃腩肉，於是追加了一道蝦醬蒸五花腩。薄切五花腩口感柔軟，以蝦醬、豆醬等調味，以白飯來伴之就最理想。
不過，單尾我哋有個香蔥叉燒粒炒飯，乾身又粒粒分明的成品，再飽也可以吞下一整碗。
甜心時間，呢客紅豆綠茶薄罉真係不得了，外層微脆，咬落煙韌而不黏牙，要豆香之餘，更滲出幽幽陳皮香，記緊要趁熱食！
餐廳資料:
南海小館
好掛住個煎腩排！
回覆刪除x2，其實我可以KO半碟架
刪除M3
刪除