2018年12月10日 星期一

普慶餐廳 - 你對普慶有印象嗎?



食物:$$$1/2
環境:$$$$
服務:$$$1/2

若你認識佐敦普慶,年紀至少有三字頭,有資格講集體回憶。

逸東酒店經連月翻新後,吃自助餐的地方,取名The Astor,中文則是普慶餐廳,相信是想令某年齡層的朋友更有親切感。

The Astor位處B1樓層,即昔日的Ballroom之地。無可否認,餐廳比起以前的麵會自助餐,型格百倍。

然而,感覺上沒以往咁爆場,筆者星期五到訪,餐廳仍有小量吉枱。
    


食自助餐最好就係可以邊食邊等遲收工的朋友。出去兜左個圈,還是由凍海鮮開始。款式唔算小,凍蝦、青口及蟹腳等大路貨色外,仲有多羔的麵包蟹可供選擇。波士頓龍蝦也有幾款,原味及配沙律等。但論及最受歡迎,始終是即開生蠔,要排隊拿的。


只循例嚐少許沙律,便來幾片風乾火腿,36個月的成品,自然咸香有致。


想唔到日式既燒嘢做得幾好,串燒之中,我最欣賞牛舌,口感爽脆,調味佳。燒雞泡魚乾伴上Mayo,同樣得我歡心。炸物方面,有款炸冬菇蝦膠的東西,挺特別。


海鮮有燒的,亦有蒸的。感覺上,以蒸既方法做海鮮,會更為原汁原味。


作為食肉獸,看見有羊鞍和燒牛肉,又怎可能錯過?可惜,牛肉有點乾和韌,食羊會好一些。


林林總總的中式食品,對片皮鴨和海南雞最感興趣,當然兩樣皆是搶手貨,要吃一定要排隊。不過,千祈唔好歎慢版以為必定食到,只因片皮鴨每天只出兩隻,海南雞飯又係限量供應。


太飽了,粉麵檔同埋印度食物我要略過,留肚食甜品。


甜品款式唔算少,但幾款蛋糕,質感有點實,最愛係朱古力區,其餘的亦只是不過不失,未有特別大驚喜。


最大賣點係雪糕,沿用Movenpick,請師傅整片法式薄餅,加兩球雪糕,那便滿足。


與朋友太太太耐無見,呷著杯伯爵茶慢慢聊,傾到人家打烊都唔捨得離開。

真係要見得密啲啦!


餐廳資料:
普慶餐廳

7 則留言: