2018年11月1日 星期四

千羽堂 - 速食,不一定是填肚級數



食物:$$$1/2
環境:$$$$
服務:$$$1/2

有時候,食飯時間緊迫,但又唔想次次吃快餐店咁悲情,能吃高檔一點的速食便最好,你認同嗎?

近日係金鐘的美國銀行中心,食左間千羽堂,價錢合理,水準亦唔差,岩晒忙到甩轆的打工仔。

我和朋友是晚上來,所以寧靜舒適,中午肯定是一位難求。
   


相機食先既年代,壽司拼盤都要迎合這趨勢,伴以乾冰,營造出如霧如煙,全像遊戲的出品。

煙霧隨隨飄走,三文魚籽、海膽、三文魚、左口、油甘、玉子燒及牡丹蝦等壽司清晰地呈現眼前。各式刺身新鮮,吞下了的左口魚,脂香豐盈,油甘也對辦。全用上山形縣的優質靚米,抵讚。飯糰握得比較大件,有點港式,幾飽肚。


晚上才有供應的鰻魚櫻花蝦炒飯,鰻魚成份很多,基本上每口都吃得出鰻魚的存在,味道合心。加之,整個丼飯佈滿了櫻花蝦,賣相震撼之餘,多一份咸鮮的味道,不錯。


老友的北海道3.6牛奶千羽鍋,很多蔬菜和什菇,感覺美顏又健康。試了口湯,奶香味濃郁,烏冬並不是普通貨色,而係蒟蒻烏冬,口感Q彈,有少許像吃魚麵的感覺。呢個牛乳鍋,女士們一定歡喜。


飲埋杯清新的柚子冰茶,吃速食都可以滿足,我肯肯定是一個知足的人囉~

金鐘返工既朋友,係咪流緊口水呢?

餐廳資料:
千羽堂

5 則留言: